News
डिजिटल प्रविधी र मिडिया कार्यशाला
डिजिटल प्रविधी र मिडिया कार्यशाला
नेपालगन्ज २८, असोज । डिजिटल प्रविधी र मिडिया बारे दुईदिने कार्यशाला नेपालगन्जमा शुरु भएको छ । पत्रकारहरुले डिजिटल प्रविधीको प्रयोग, सञ्चार सामाग्री उत्पादन तथा प्रकाशन, सामाजिक सञ्जालको प्रयोग, खोजमुलक रिपोटिङ्गमा सूचनाको हकको प्रयोग र पत्रकार आचारसंहिताका विषयमा क्षमता अभिबृद्धि गर्न कार्यशाला संचालन गरिएको हो ।
युएसएआईडी द एशिया फाउण्डेशनको सहयोगमा सूचना र मानव अधिकार अनुसन्धान केन्द्र नेपालगन्जद्धारा संचालित “नागरिक समाज र मिडिया” परियोजना अन्र्तगत दुईदिने कार्यशाला शुरु भएको छ ।
कार्यशालाको आज शुभारम्भ गर्दै उच्च अदालत नेपालगन्ज इजलासका न्यायधिस टंक गुरुङ्गले पत्रकार भनेको समाजको ऐना भएकाले सम्बेदनशिल भएर पेशा व्यवसाय गर्नुपर्नेमा जोड दिदै कानूनको मापदण्डलाई विशेष ध्यान दिन आग्रह गर्नुभयो । उहाँले नागरिकले बढी विश्वास गर्ने भएकाले पत्रकारले सत्य तथ्य सूचना सम्प्रेषण गर्नुपर्नेमा जोड दिदै सबै क्षेत्र वर्ग समुदायको सम्बेदशिलता बुझेर मात्र पत्रकारिता गर्न आवहान गर्नुभयो ।
न्यायधिस गुरुङ्गले अदालती तथा कानूनसंग जोडिएको विषयमा समाचार सम्पे्रषण गर्दा भाषा र कानूनी टर्मलोजीलाई बढी ध्यान दिनुपर्ने बताउनुभयो । सूचना तथा डिजिटल प्रविधी विज्ञ टंकराज अर्यालले अहिले डिजिटल प्रविधीको प्रयोग गर्दा नागरिकले प्रयोग गर्ने विभिन्न डिभाइसको सुरक्षाका लागि खासै ध्यान नदिएकाले विभिन्न टिजिटल समस्या निम्त्याउने गरेको बताउनुभयो ।
तालिममा प्रविधी अधिकार, साइबर कानून, मिडिया र डिजिटल प्रविधी, पत्रकारितामा डिजिटल प्रविधीको प्रयोग, सामाजिक सञ्जाल, फोटो, भिडियो, खोजमुलक रिपोर्टिङ्गमा सूचनाको हकको प्रयोग, सार्वजनिक सरोकारको सवाल, पत्रकार आचारसंहिता लगायतका विषयमा टंकराज अर्याल, अधिबक्ता विश्वजित तिवारी, पत्रकार कृष्ण अधिकारी, राकेशकुमार मिश्र र रुपा गहतराजले सहजीकरण गर्ने संस्थाका प्रोग्राम म्यानेजर रविन्द्रकुमार ज्ञवालीले बताउनुभयो ।
उहाँका अनुसार संस्थाले अवधी र थारु भाषी १५ जना पत्रकारलाई आठ महिने फेलोशिप कार्यक्रम संचालन गरेको छ ।
–––
